ზომები: 1.06 მ , 1.27 მ 1.37 მ , 1.52 მ
რულონის სიგრძე: 50 მ
კვ.მ. ფასი: 5,90₾

ნახვრეტიანი თვითწებვადი ფირი განკუთვნილია სრულფეროვანი გამოსახულებების დასაბეჭდად, რომლებიც ხანგრძლივად გამოიყენება  გამჭვირვალე, მყარ ზედაპირებზე სარეკლამო გრაფიკის შესაქმნელად. საფარის წყალგამძლე თვისებები უზრუნველყოფს მელნის სწრაფად გაშრობას.

ფირფიტა იდეალურია სოლვენტური და ეკოსოლვენტური ბეჭდვისთვის.

ფირის წინა მხარე თეთრია, წებოვანი ფენის ზედაპირი კი შავი. სპეციალურად შერჩეული პერფორაცია უზრუნველყოფს გამოსახულების წაკითხვადობას წინა მხრიდან ფრონტალური განათებისას, ხოლო უკანა მხრიდან მიიღწევა დაბურული მინის ეფექტი, რომელიც ხელს არ უშლის შიგნიდან ხედვას. ბადისებრი სტრუქტურის წყალობით, რომელიც ხელს უშლის ბუშტუკების წარმოქმნას, პერფორირებული ფირი შესაფერისია აბსოლუტურად ნებისმიერი ტიპის ზედაპირისთვის.

გამოყენება: სარეკლამო  ინტერიერის, გარე და სატრანსპორტო რეკლამისთვის (ვიტრინების, სავაჭრო ცენტრების, სტენდების, საგამოფენო/სავაჭრო აღჭურვილობის, აბრების, სარეკლამო/საინფორმაციო ტიპის პანელების და სხვა).

ექსპლუატაციის პირობები: პოლივინილქლორიდის ფირზე გავლენას ახდენს: ულტრაიისფერი გამოსხივება, ტემპერატურის ცვლილებები, მექანიკური და ქიმიური ზემოქმედება. უარყოფითი შედეგების თავიდან ასაცილებლად, აუცილებელია რამდენიმე წესის დაცვა.

1. ბეჭდვის დროს აკონტროლეთ ტემპერატურა და ტენიანობა ოთახში, თვითონ მატარებლის ტემპერატურა. დაუთმეთ საკმარისი დრო დაბეჭდილი გამოსახულების გასაშრობად. სოლვენტის გამოყენებამ შეიძლება გამოიწვიოს შეკუმშვა, კიდეების დახვევა, მასალის გამოყოფა სუბსტრატიდან და წებოვანი ფენიდან. ამ მიზეზით, მწარმოებლები გვირჩევენ დაბეჭდილი სურათების გაშრობას გაშლილ მდგომარეობაში, თუ შესაძლებელია პროფესიონალური საშრობით, არანაკლებ 48 საათის განმავლობაში.
2. დასაკრავი ზედაპირი სწორად უნდა იყოს გაწმენდილი. თავდაპირველად აუცილებელია ჭუჭყის ჩამობანა წყლითა და საპნით, არ დატოვოთ საპნის კვალი ზედაპირზე, გააუცხიმოთ ზედაპირი გამწმენდის გამოყენებით (იზოპროპილის სპირტი, დენატურირებული ბენზინი), გააშრეთ რბილი სუფთა პირსახოცით, მშრალი ქსოვილით ან ქაღალდით. ფირი დააკარით 25±5°C ტემპერატურაზე და 50%±10% ფარდობით ტენიანობაზე.
3. სამუშაოს დაწყებამდე დარწმუნდით, რომ თვითონ ფირის და მის გარშემო არსებული ტემპერატურა ერთნაირია. არასოდეს დაჭიმოთ ვინილი დაკვრის დროს, თუ შესაძლებელია გამოიყენეთ დასამაგრებელი ლენტი. იმისათვის, რომ ფირი გახდეს უფრო რბილი და ელასტიური, გაათბეთ იგი 60°C გრადუსამდე. ფენი დაიჭირეთ მასალისგან დაახლოებით 20 სმ დაშორებით, რათა არ დააზიანოთ ფირის ზედაპირი. გაასწორეთ ფირი რაკელით, განსაკუთრებული ყურადღება მიაქციეთ გამოსახულების კიდეებსა და კუთხეებს. დიდი ფართობის სამუშაო ზედაპირთან მუშაობისას რეკომენდებულია ერთი და იმავე პარტიის ფირის გამოყენება.

შეფუთვის წესი: ფირიი დაცულია ქაფისებრი პოლიეთილენით და პლასტმასის დამჭერების საშუალებით საიმედოდ ფიქსირდება გოფრირებული მუყაოს კოლოფში.